Ubuntu Sosial İş Assosiasiyası
Ubuntu Sosial İş Assosiasiyası Azərbaycanda sosial işçilərin peşəkar inkişafını dəstəkləməklə, həssas fərdlərin və icmaların rifahını yaxşılaşdırmağa həsr olunmuş bir tşkilatdır. Bizim fəaliyyətimiz sosial iş peşəsinin inkişafını təşviq etməklə yanaşı, əhalinin həssas təbəqələrinin həyat keyfiyyətini yüksəldən innovativ proqramların həyata keçirilməsini əhatə edir.
"Ubuntu" Sözünün Mənası
"Ubuntu" qədim Afrika fəlsəfəsinə əsaslanan bir anlayışdır və "Mən, biz olduğumuz üçün varam" mənasını ifadə edir. Bu anlayış insanlıq, birlik və həmrəylik dəyərlərini önə çəkir. Ubuntu fəlsəfəsi insanın yalnız digərləri ilə əlaqə və əməkdaşlıq içində öz varlığını tamamlaya biləcəyini vurğulayır. Assosiasiyamızın adı da məhz bu prinsipi əks etdirir və fəaliyyətimizin təməlini təşkil edir: birlikdə daha güclü, daha ədalətli və daha rifahlı bir cəmiyyət qurmaq.
Dürüstlük
Təşkilatımız üçün strateji məqsədlər üzvlərin şəxsi maraqlarından üstün tutulur.
Peşəkarlıq
İnnovasiya və davamlı öyrənmə təşkilatımızın əsas dayaqlarındandır.
İcma mərkəzli yanaşma
Ubuntunun bütün fəaliyyətləri icma ehtiyaclarının dərk edilməsinə əsaslanır.
Sosial ədalət
Hər bir fərdin öz potensialını reallaşdırması üçün şərait yaratmağı hədəfləyirik.
Missiyamız
Ubuntu Sosial İş Assosiasiyasının missiyası Azərbaycanda təhsil alan və/və ya fəaliyyət göstərən sosial işçilərin həssas fərdlər və icmalarla peşəkar işləyə bilməsi üçün onların bilik və bacarıqlarını artırmaq, peşə əməkdaşlıqlarını təşviq etmək və həssas əhalinin rifahını yüksəldən proqramları təbliğ etməkdir.
