Ubuntunun bir çox layihələrində iştrak etmişəm. Bu layihələrin hər biri çox maraqlı, keyfiyyətli, öyrədici və inkişaf etdirici olmuşdur. İstər maraqlı oyunları ilə, istər öyrənmə metodikası ilə, istər yaradılan gözəl, səmimi mühit – hər zaman Ubuntu fərqli olmuşdur. Bu layihələr, təlimlər içərisində mənim ilk Ubuntu ilə tanışlığımın olduğu və eyni zamanda gözəl dostluqlar qazandığım, maraqlı təcrübələr öyrəndiyim Sülhün Harmoniyası layihəsidir. Orda xarici və Azərbaycanın ən yaxşı mütəxəssislərinin təcrübələri ilə tanış oldum və maraqlı oyunlar oynanıldı, möhtəşəm bir mühit yaradılmışdı. Bu təcrübədən sonra Ubuntunun hər layihəsində çalışdığım qədər iştirak etmişəm və hər dəfə "yaxşı ki" demişəm.

Ubuntunun "AuVsVk Uşaqlarla Sosial İş", "Məktəblərdə Qəzəbin İdarə Edilməsi", Sosial İş Emalatxanası -1 layihələrinin məzunuyam. Həmçinin qruplarla sosial iş təlimlər sessiyasının məzunu olmuşam.

Ubuntu mənim həyatımda xüsusi bir yer tutur. Burada keçirdiyim günlər təkcə öyrənməklə deyil, həm də özümü kəşf etməklə yadda qalıb. Hər dəfə bir layihədə iştirak edəndə və ya yeni bir şey öyrənəndə özümü daha güclü və əmin hiss etmişəm. Bu təşkilat mənə yalnız bilik yox, həm də cəmiyyət üçün faydalı bir fərd olmağın yollarını göstərdi. Buradakı ortam səmimi, dəstəkləyici və həqiqətən ailə kimi idi. Rəhbərlərin və komandamızın mehriban yanaşması hər birimizə motivasiya verirdi. Mən burada təkcə bilik əldə etmədim, həm də dəyərli dostlar və unudulmaz xatirələr qazandım. Ubuntu mənim üçün bir ilham mənbəyidir.

UBUNTU’nun “Kuir Sosial İş” və “Layihə Yazılması və İdarə Olunması” təlimlərinin məzunuyam.

Ubuntu ilə keçirdiyim zaman həyatımda əhəmiyyətli bir dönüş nöqtəsi oldu. Bakalavr təhsilimi alarkən bu dərnəyin təlimlərinə qatılaraq həm biliklərimi genişləndirdim, həm də sosial əlaqələrimi inkişaf etdirdim. Ubuntu mənə yalnız peşəkar deyil, eyni zamanda şəxsi inkişafımda da böyük dəstək oldu. Burada qazandığım biliklər və dostluqlar, həyatımda yeni imkanların qapılarını açdı. UBUNTU sayəsində Gender Resurs Mərkəzində sosial işçi olaraq çalışmaq fürsəti əldə etdim, bu isə UBUNTU’nun mənə qazandırdığı dərin təsirin bir nəticəsidir. Mənim üçün Ubuntu sadəcə bir dərnək deyil, həyatımın bir hissəsinə çevrilib və mənə hər zaman müsbət təsir göstərir. Bu təcrübə mənə yalnız professional inkişafda deyil, həm də həyatda daha sosial və daha anlayışlı bir insan olmağı öyrətdi.

Ubuntu Sosial İş Assosiasiyasının "Sosial İşdə Etik Prinsiplər" təliminin məzunuyam.

Ubuntu mənim üçün yalnız bir təlim yeri deyil, həm də inkişaf etdiyim, yeni dostlar qazandığım və özümə olan inamımı artırdığım bir mühit oldu. Həmçinin burada qazandığım biliklər və təcrübələr mənə böyük motivasiya və dəyər qatdı. Ubuntu ailəsinə təşəkkür edirəm! ❤️

Ubuntu Sosial İş Assosiasiyasının 17-18 oktyabr 2024-cü il tarixli "Qadınlara Qarşı Zorakılıqla Mübarizə Emalatxanası" təlimlərinin məzunuyam.

Mən, mənim üçün hər bir yeni atmosferi bir naxışa (dəyərə) bənzədirəm. Məhz, Ubuntu da o dəyər naxışlarından biridir. Ötürdüyü müsbət enerji və açıqyönlü baxış bucağı, məndə fərqli dəyərlərin təkmilləşməsində böyük rol oynadı. Yeni əlaqələr və vizuallıq, qarşılıqlı diskussiya, yaradıcı olmağın üstünlükləri hər biri buna nümunədir. Ötürdüyünüz dəyərə, verdiyiniz töhfəyə, yaratdığınız alternativ imkanlara görə Ubuntu ailəsinə təşəkkür edir, gələcək inkişaf perspektivi istiqamətində uğur diləyirəm! 🧡🤍